Bo Verán

O equipo de Educación Infantil deséxavos un feliz verán.

Voltamos o 11 de setembro.

BENVIDOS AO CURSO 2018/2019

Desde o equipo de educación infantil queremos darvos a benvida a todas as familias que neste curso entrades a formar parte do noso centro e, por suposto, ás que xa formaban parte del.

BO VERÁN!!!

O equipo de educación infantil deséxavos un feliz verán.

Recordade que voltamos ao colexio o día 12 de setembro.

DÍA DA MULLER 2018

O día 8 de Marzo todos os nenos e nenas de educación infantil conmemoramos o día da muller.

Recordamos que todas as persoas deben de ter os mesmos dereitos e todas debemos de ser e de sentirnos libres, respectadas e seguras.

Tivemos un contacontos moi especial sobre o libro dos porcos que despois traballamos na aula a través dos escornabots.

Ademais, realizamos dentro do proxecto do centro "as mulleres contan" unha serie de obras de arte que representan a distintas mulleres. En educación infantil traballamos a obra de arte "muller na horta" de Luis Seoane.

                   4º Educación Infantil

                  5º Educación Infantil

                  6º Educación Infantil

ENTROIDO 2018

O pasado venres 09 de Febreiro celebramos o Entroido no colexio. Durante toda a semana prestamos moita atención as consignas do Meco e rematamos os nosos complementos para o disfraz (moitas grazas as familias polo seu fantástico traballo). Pero como sempre dicimos, unha imaxe vale mais que mil palabras. Mirade que ben o pasamos.

DÍA ESCOLAR DA NON VIOLENCIA E DA PAZ

Onte conmemoramos o día escolar da non violencia e da paz.
Nesta ocasión e relacionado co proxecto de centro "as mulleres contan" cada aula investigou a biografía dalgunha das mulleres que obtiveron o premio nobel da paz. Os nenos de educación infantil traballamos a Teresa de Calcuta, premio nobel da paz no ano 1979 polo recoñecemento da súa axuda ao pobres de todo o mundo.

Ademais, todos xuntos no patio cantamos a canción preparada pola profe Nerea "Eu teño alguén no meu corazón".

 Destacar tamén que os nenos de 6º de educación infantil participaron no concurso "Un poema pola paz" con este poema que elaboraron eles mesmos.

A lectura do poema foi realizada Leo Serrano Cotelo. 

Saída ao Museo Etnolúdico de Galicia

Este venres os nen@s de Educación Infantil visitamos o Museo Etnolúdico de Galicia en Ponteceso. Coñecimos un montón de xogos tradicionais e desfrutamos dunha mañá moi divertida. Deixámosvos unha pequena mostra dalgúns dos xogos que realizamos.

A Prehistoria

Os nenos de Educación Infantil estamos inmersos nun novo proxecto que nos está gustando moito.
Deixámosvos o vídeo co que estamos comezando a traballar para que poidades volver a velo na casa.

BO NADAL

Para rematar este trimestre nada mellor que a chegada dos REIS MAGOS ao noso cole.
Foi un día cheo de emocións e de diversión.
Mirade que ben o pasamos!!!

Desde o equipo de educación infantil queremos desexarvos a tod@s unhas moi felices festas.

DINOSAUROS NO NADAL

Estamos moi preto do Nadal e esta semana está adicada a música, polo que a mestra Nerea preparou unhas cantigas moi chulas que hoxe representamos para os nenos maiores.
Os nenos de tres anos bailaron "Xa me tardan estes magos", os nenos de catro anos "O abeto está baleiro" e os nenos de cinco anos "Polo Nadal".

Ademais, dentro do noso proxecto dos dinosauros tamén representamos a panxoliña "Dinosauros no Nadal". Mirade que ben o fixemos.

DÍA INTERNACIONAL CONTRA A VIOLENCIA DE XÉNERO

Hoxe conmemoramos o Día Internacional Contra A Violencia De Xénero.

Aos nenos e nenas de Educación Infantil non nos gusta a violencia.

Esta semana tivemos un contacontos moi especial sobre o conto "SAL E AZUCRE".

Deixámosvos o vídeo do conto para que poidades volver a escoitalo.

     

   

PROXECTO OS DINOSAUROS

Nesta entrada queremos amosarvos algunhas imaxes do proxecto que estamos a levar a cabo en educación infantil.
Estamos aprendendo e descubrindo un montón de cousas.
Pero como sempre dicimos, unha imaxe vale mais que mil palabras.
Mirade, mirade!!!

Día Universal da Infancia

A entrada de hoxe está adicada aos nenos, xa que como sabedes é o DÍA UNIVERSAL DA INFANCIA.
Aínda que consideramos que o respecto pola infancia, os dereitos e os valores deben de traballarse no día a día, é unha gran oportunidade para celebralo entre todos, e por iso conmemoramos este día coa cantiga de Rubén Rada, "Yo Quiero".

Samaín e Magosto 2017

Aos nenos e nenas de Infantil encántanos o outono e, por suposto, as celebracións do samaín e do magosto.
Mirade que ben o pasamos nestas datas.

Ademais somos uns expertos cantando cantigas de samaín.

COMEZAMOS!!!

Primeiros días de curso 2017-18

Benvidos ao curso 2017/2018

BO VERÁN!!!!

O Equipo de Educación Infantil deséxavos un feliz verán. 

Recordade que voltamos ao colexio o día 11 de Setembro!!

Descubrindo o mar na aula de 4 anos

Os nenos de 4 anos queremos amosarvos algunha cousiña mais do que fixemos neste trimestre no proxecto do mar. Desta volta ademais de profundizar un pouquiño mais nos coidados do mar tamén nos introducimos no mundo máxico dos seres mitolóxicos que atopamos nas profundidades mariñas. Mirade, Mirade!!!

ANIVERSARIOS 3º TRIMESTRE 4 ANOS

Algo importantísimo ao longo deste trimestre foron os aniversarios.
Pasámolo xenial ao ritmo dos pitufos.
PARABÉNS!!!

SAÍDA A FISTERRA

Esta semana os nenos de Educación Infantil fixemos unha saída a Fisterra. Pasamos un día xenial: navegamos en barco, visitamos o museo de pesca e estivemos na praia. Aprendemos un montón de cousas e ademais divertímonos moitísimo. Pero como sempre dicimos... unha imaxe vale mais que mil palabras. Mirade, mirade!!!