Novas experiencias na aula de 5 anos

Neste primeiro trimestre, os nenos de cinco anos, estamos gozando un montón cos novos xogos cos que estamos traballando.

O primeiro que vos imos ensinar son as regletas. Con este material comezamos a descubrir a descomposición dos números e a iniciarnos en actividades de cálculo dun xeito manipulativo. Pero como di o noso blogue, pasiño a pasiño, que temos todo o curso por diante. 

Ademais, continuamos cos nosos recunchos de lóxico- matemática. Mirade, mirade!!!

E tamén traballamos coa lectoescritura, en novos recantos, na PDI e con algún xogo na asemblea. Aquí vos deixamos unha pequena mostra.

XOGOS NA AULA DE 4 ANOS

Á clase de 4 anos encántalle xogar as mates e para iso temos uns recantos de lóxico- matemática moi divertidos. Xa levamos varios meses traballando nestes recantos e somos todos uns expertos.
Mirade, Mirade!!!

Ademais, como xa sabedes, gústannos moito os xogos na asemblea. Un co que estamos moi entusiasmados é o dominó de cores e texturas. Aquí vos mostramos algunhas imaxes.

E, por suposto, non pode faltar algo relacionado co noso proxecto do mar. Estas semanas estivemos traballando seres mitolóxicos do mar, entre eles, os piratas. Investigando, descubrimos que os xogos que mais lles gustan son as cartas e os dados. Así que nós tamén quixemos divertirnos un anaco. Xogamos a descubrir a carta mais alta, estivemos na procura do pirata "culo podrido" e xogamos aos dados.  Mirade que ben o pasamos!!

Xogos Asemblea 4 Anos

Nesta entrada queremos amosarvos algúns dos xogos que facemos na asemblea.

 Por un lado, xogamos ás tarxetas amigas. Este xogo conta cunhas tarxetas cos nosos amigos por diante e por detrás a grafía do número. Colocan as tarxetas en orde en función dos nenos que conteñan. Para comprobar si o fixemos correctamente temos que darlle a volta e ver si nos saen os números en orde. Gozamos moito traballando coas fotos dos nosos amigos.

 

 Por outro lado, xogamos a caixa das mates (dámoslle as grazas ao blogue da mestra Laura: http://auladelamaestralaura.blogspot.com.es/ por esta fantástica idea). Podemos xogar de dúas formas: na primeira, presentamos o monstro montado e os nenos teñen que contar os elementos de cada unha das partes e indicar na tabla de tapóns o número correspodente. E na segunda opción, entregamos aos nenos a tabla de tapóns indicando o número de cada parte e son eles os que teñen que montar este simpático monstro.

Árbore de Nadal (4 anos)

Estes días estivemos moi atarefados facendo as nosas árbores de Nadal.

Comezamos facendo unha árbore con boliñas de papel de seda mesturando distintas cores, pero como nos gustan moito as mates decidimos facer unha árbore de Nadal partindo dos números, así, do 1 ao 10 fixemos series de cores con gomets que tiñan forma de boliñas de Nadal ata formar a nosa árbore.

Foi xenial!!!

Pero como unha imaxe vale mais que mil palabras...Mirade, Mirade!!

RECORDAMOS

Nos primeiros días de cole na aula de 4 anos estivemos recordando algunha cousiña do curso pasado e xogando coas letras, cos números, coas formas e coas cores. Foi moi divertido e xa somos uns expertos.

MIRADE, MIRADE!