Saída ao Museo Etnolúdico de Galicia

Este venres os nen@s de Educación Infantil visitamos o Museo Etnolúdico de Galicia en Ponteceso. Coñecimos un montón de xogos tradicionais e desfrutamos dunha mañá moi divertida. Deixámosvos unha pequena mostra dalgúns dos xogos que realizamos.

Saída a Biblioteca Rego da Balsa

Hoxe os nenos de 5 anos fomos de visita á Biblioteca Rego da Balsa. Alí estaba agardando por nós Lili Gruyère, unha ratiña ben simpática que nos contou dous contos: a árbore amiga e avós. Ademais aprendimos algúns xogos moi divertidos.

Pasámolo xenial. Mirade, mirade!!!

SAÍDA A FISTERRA

Esta semana os nenos de Educación Infantil fixemos unha saída a Fisterra. Pasamos un día xenial: navegamos en barco, visitamos o museo de pesca e estivemos na praia. Aprendemos un montón de cousas e ademais divertímonos moitísimo. Pero como sempre dicimos... unha imaxe vale mais que mil palabras. Mirade, mirade!!!

Visita ao aquarium de Coruña

O pasado martes 7 de marzo os nen@s de educación infantil estivemos de visita no acuario de Coruña. Era unha saída moi esperada por tod@s e a verdade que o pasamos xenial. Coñecemos moitos animais e descubrimos algunhas curiosidades sobre algúns deles. Por suposto, o mais esperado era ver ao tiburón Gastón, quedamos abraiados.
Mirade, mirade!!!

Visita ao Museo de Belas Artes e a Libraría Moito Conto

O pasado 31 de Xaneiro os nenos de Educación Infantil fomos visitar o museo de Belas Artes da Coruña e a libraría Moito Conto.
As visitas estiveron relacionadas co proxecto do mar que estamos levando a cabo no colexio.
No museo de Belas Artes tivemos a oportunidade de coñecer algúns cadros de Luis Seoane, observamos o material que utilizaba para pintar e levamos a cabo un obradoiro sobre os cadros que nos presentaron. Mirade que ben o pasamos!!!

Por outro lado, na libraría Moito Conto da Coruña tamén o pasamos xenial. Tivemos a oportunidade de presenciar tres contacontos (Nadarín, Grúfalo e Siete ratones ciegos). Aquí vos deixamos unha pequena mostra.